Gjuha
Donate
Shala
Jegeni
Promotion
Biografia e boksierit Kreshnik Qato
Emri: Kreshnik Qato
Datëlindja: 13.08.1978
Vëndlindja: Durrës, Shqipëri
Vëndbanimi: Londër, Angli
Profesionist prej: 28.09.2001
Trainerë: Phil Pierson, Michal Collins
Promotor: Ylli Ndroqi
Rekordi: 23 Fitore (4 KO), 6 Humbje
Gjithsejt: 29 Lufta
Biografi
Qato veshi dorezat e boksit në një moshë të re, ai filloi karrierën amatore në ekipin e të rinjëve në qytetin e Durrësit dhe traineri i tij i parë ishte Hekuran Shkaba.
Në vitin 1992 Qato mori pjesë për herë të parë në Kampionatin Kombëtarë për të rinj ku fitoi titullin e kampionit të vëndit.
Shkollën e mesme e bëri në vitet 1993-1997, në shkollën e mjeshtërisë sportive "Benardina Qaraxhiu" të Durrësit. Nën kujdestarinë personale të trainerit Dylaver Coba, gjatë atyre katër viteve të jetës gjimnaziste kishte zhvilluar 18 duele dhe i kishte fituar të gjitha.
Në vitin 1996 u bë pjesë e Kampionatit Kombëtarë për të rritur dhe u shpall në të njejtin vitë boksieri më luftarak i aktivitetit.
Pas shkollës së mesme Kreshnik Qato iu përkushtua boksit dhe shumë shpejt kaloi në ekipin përfaqësues të Shqipërisë. Në vitin 1997 kishte aktivitetin e parë jasht vëndit, e përfaqësonte Shqipërinë në turneun e përvitshëm "Doreza e Artë" në Beograd, i fitoi të gjitha ndeshjet dhe u shpall kampion i këti turneu për peshat 67-71 kg. Studimet akademike (dega e boksit) Qato i absolvoi në periudhën 1997-2000 në Akademinë e Edukimit Fizik "Vojo Kushi" të Tiranës. Gjithsejt në karrierën amatore Qato ka zhvilluar 65 duele dhe është shpallur 7 herë kampion i vëndit. Një sukses i madhë i Qatos ishte padyshim evenimenti i boksit profesionist që e organizoj në vendlindjen e tij (Durrës) me 5 Mars 2005, i cili ishte i pari i në Shqipëri që u pranua ndërkombatrisht ku mernin pjesë edhe referë të njohur ndërkombtarë si p.sh.: Daniel Van de Wiele nga Belgjika. Këtu fitoi titullin "IBC International" në peshat super te mesme dhe u shpall "Qytetar Nderi" nga bashkia e qytetit të Durrësit. Me 8 Dhejtor 2006 Qato e mposhti në Londër boksierin anglez Simeon Cover 15-31-2 dhe fitoi titullin e kampionit të Anglisë Jugore.
Traineri anglez Luigi Leo i propozoi Kreshnik Qatos të kalonte në boksin profesionist në vitin 2000 duke i ofruar ndihmën e tij si trainer me merita ndërkombëtare. Nga ana tjetër, promotori anglez Frank Woren kishte pranuar kërkesën e tij për bashkpunim dhe për ti mbrojtur ngjyrat Kuq e Zi, kështu erdhi deri te debutimi në boksin profesionist dhe u realizua një ëndërr që e kishte Qato në fëmijëri.
Titullin e parë ndërkombëtarë e fitoi me 16 Tetor 2004 në Ukrainë, ky ishte titulli i kampionit për Evropën Lindore EEBA, pjesë e WBA-së.
Me 3. Mars 2007 në Tiranë, në një organizim tjetër te boksit profesionist, Kreshnik Qato e fitoi titullin EBU-EE që i takon vëndeve jashtë bashkimit Europianë.
Me 4 Prill 2008 Qato luftoi në Tiranë kundër boksierit portugez Vitor Sato 13-3-0 dhe e fitoi titullin botërorë në kategorinë e mesme të Federatës WBF, e cila është themeluar në vitin 2004 në Australi por nuk hyn nën federatat më të njohurat në botë. Këtë titull Qato e mbrojti më vonë të Amerikë dhe në vitin 2009 në Gjermani
Caku i boksierit shqiptarë Kreshnik Qato mbetet titulli Europianë i EBU-së apo ndonjë titull nga 4 më të njohurit të botës WBA, WBC, IBF, WBO sepse këto janë Federata të cilat egzistojnë me dekada të tëra dhe kanë popullaritetin më të madhë në Botë.
